Enseignement fondamental
An der Grondschoul kënnen d’Kanner vu verschiddene Hëllefsmoossname profitéieren, wann si spezifesch Besoinen hunn. Dës Moossname ginn un hir individuell Besoinen ugepasst a maachen et hinne méiglech, um reguläre Cours zesumme mat hire Klassekomeroden deelzehuelen.
Verschidde Mesurë kënnen en place gesat ginn, fir de spezifesche Besoine vun engem héichbegaabte Schüler gerecht ze ginn:
-
Den Enseignant (titulaire de classe) kann den Enseignement an der Klass, a Kooperatioun mat der équipe pédagogique an der Schoul upassen (z. B. Beschleunegung, Erweiderung vum Léierstoff …).
-
De Schüler kann temporär fir verschidde Fächer de Cours an enger anerer Klass wéi senger Referenzklass besichen.
-
All Cycle, deen normalerweis op zwee Joer verdeelt ass, kann op ee Joer verkierzt ginn.
-
Et kënnen Amenagementer (aménagements raisonnables) en place gesat ginn. Si sollen d’Léier- an d'Evaluatiounsmodalitéiten un d’Besoine vum Schüler upassen.
-
Eng assistance en classe kann an der Schoul wärend de Schoulzäiten organiséiert ginn, a Kooperatioun mam titulaire de classe an der gesamter équipe pédagogique.
Nieft dëse Moossnamen, déi an der Schoul ëmgesat ginn, kann de CEJHP, wann néideg, spezifesch Léieratelieren oder pädagogesch, psychologesch an/oder psychomotoresch Betreiungen ubidden.
De CEJHP kann och ambulant spezialiséiert Interventiounen an der Klass vum Schüler / vun der Schülerin ubidden, a gläichzäiteg mat dem pädagogeschen Team vun der Schoul zesummeschaffen.
Dir kënnt Iech melle:
- beim titulaire de classe,
- bei der Inklusiounskommissioun (CI) aus Ärer Regionaldirektioun,
- bei der nationaler Inklusiounskommissioun (CNI),
- direkt beim CEJHP fir weider Informatiounen.
Dir fannt weider Informatiounen zum Thema Inklusioun souwéi Erklärungen dozou wéi Dir eng Demande bei der zoustänneger Inklusiounskommissioun iwwer myeduguichet.lu areecht, ënner …
